.png)
🟥 منتدى تالتة ثانوي - موقع إلهمني
إسأل أي سؤال في المواد الدراسية، وإحنا أو أحد مشرفينا هيجاوب عليك بأسرع وقت 💬
📷 لو عندك صورة مع سؤالك (زي واجب أو مسألة)، ارفعها على imgbb.com أو postimages.org، وانسخ الرابط في تعليقك.
📌 حاسس إني تايه ومش عارف أذاكر في تالتة ثانوي، أعمل إيه؟
🙌 رد المشرف:
أول خطوة إنك تهدى وتبعد عن التوتر. تالتة ثانوي سنة مهمة، بس مش نهاية العالم.
قسم المنهج لأجزاء صغيرة، وابدأ بالمادة اللي بتحبها علشان تكتسب دفعة.
استخدم طرق ذكية للمذاكرة زي الخرائط الذهنية والمراجعة المتكررة.
خليك واقعي، ونظم وقتك، وابدأ من دلوقتي حتى لو خطوة بسيطة كل يوم.
وافتكر دايمًا: التعب دلوقتي = راحة بعدين 💪
✏️ عندك سؤال؟ اكتبه في التعليقات تحت، وإحنا هنرد عليك في أسرع وقت!
هي الدروس هتبداء امتى
ردحذفأخر سابعة أول تامنية فى الحدود دى و فى دروس بتبدأ فى نص تمانية كأقصى حاجة
حذفعايزين كتب تالته ثانوي
ردحذفموجودة عنك الوقتى لو دخلت فوق على قسم تالتة ثانوى هتلاقى كل الكتب
حذفعايزه كتاب المستشار ف الفيزيا جزء الاسئله
حذفهل أنتم بتنزلوا ملخصات وكدا
ردحذفكل حاجة باذن الله ملخصات و كتب و ملازم بيتم نشره على الموقع
حذفعاوزه ابدأ دلوقتي ومحتاجه مساعده وعاوزه مساعده ف ان الزاي انظم وقتي وصلاتي
ردحذفأول حاجة، حقيقي شطّارة منك إنك قررتي تبدأي بدري وتسألي، وده في حد ذاته خطوة عظيمة! 👏
حذفوإحنا كلنا هنا علشان نشجع بعض ونساعد بعض نكمل المشوار 💪
💡 وعلشان تبدأي صح، خليكي مع الخطوات الجاية:
🔹 1. وقتك = كنزك
قسّمي يومك 3 أجزاء:
جزء للمذاكرة بتركيز
جزء للراحة والاهتمام بنفسك
وجزء للعبادة والتقرب لربنا
✨ مثال بسيط لجدول يومي متوازن وده اللى بعمله عن نفسى:
.اليوم يبدأ من الفجر اصلى و اقول اذكار واقرا ورد قران وبعد كده ابدأ أحدد المهام اللى هنجزها فى يومى ومكتبش مهام كتيرة مش هقدر انجزها عشان محسش بالملل و العجز يعنى فاية 3 مهام فى اليوم ولو خلصتهم و معاك وقت اعمل مهام كمان وهكذا و دايما ذاكر بنظام البرومودور ذاكر مثلا ساعة خد 10 دقايق او 15 دقيقة راحة بس بعيد عن التلفون ريح عينك
🔹 2. الصلاة هيا البوصلة بتاعتك ⏰🕌
نظمّي وقتك حوالين الصلاة مش العكس، يعني لما تعرفي إن كل صلاة بتقسملك اليوم، هتقدري ترتاحي بين الفروض، وتبدأي تذاكري بعد كل صلاة وأنتِ مرتاحة.
🔹 3. اعرفي إن البداية دايمًا صعبة بس ممتعة
متضغطيش على نفسك، ابدأي بشويّة حاجات بسيطة، حتى لو 30 دقيقة في اليوم، المهم الاستمرار.
🔹 4. خدي بالك من نفسك
كلّي كويس، اشربي مياه، حاولي تمشي أو تتحركي، واقري أذكارك بانتظام — كل ده هيزود تركيزك وراحتك النفسية.
🔹 5. لو محتاجة جدول جاهز أو متابعة يومية
قريبا هنضيف حاجة هنا فى المنصة تساعدكم فى عمل جداول و تنظم وقتكم
إنتِ قادرة تبدأي، ومع الوقت هتلاقي نفسك بتطوري وبتحسي بفرق كبير 🌟
واحنا دايمًا معاك، خطوة بخطوة 🫶
اخد دروس في سناتر ولا اخدها اونلاين في البيت
ردحذفالخلاصة لو شايفة نفسك عندك المقدرة انى اتحكم فى نفسى و مراكمش اذا اكمل انلاين وده بيكون نسبة قليلة من الطلاب اللى بتقدر تعمل كده و فى الطالب اللى حرفيا لو منزلش سنتر يسقط و فى النوع التالت وهو ياخد نص دروسه اونلاين و نصها سنتر يعنى يشوف الحاجات اللى مش هيعرف ينظم فيها نفسه مع الانلاين ينزلها درس و فى نوع رابع ياخد فى كل مادة اونلاين و سنتر فى نفس الوقت و هذا النوع يعنى هلك فى الفاضى سواء ماديا بالنسبة للاهل و متعب برده لان بدك تخلص واجب ده وواجب ده فحرفيا بتبقى فى مشنقة
حذفي جماعه انا لسه داخل تالته دفعه جديده ممكن طريقه للمذاكرة
ردحذفأهلاً بيك معانا في تالتة ثانوي، ويارب تكون سنة نجاح وتميّز ليك 💪🌟
حذفبما إنك لسه داخل الدفعة الجديدة، حابب أشارك معاك طريقة مذاكرة كانت مفيدة لناس كتير قبلك:
🔹 أولاً: نظّم وقتك
قسم اليوم بين مذاكرة، مراجعة، وراحة. حاول تذاكر كل مادة أول بأول، ومتسيبش أي تراكم.
🔹 ثانيًا: اعرف نظام الامتحان كويس
تابع نظام الأسئلة الجديدة، خاصة الاختيار من متعدد، وراجع من مصادر موثوقة زي الكتب الوزارية ومنصات معتمدة.
🔹 ثالثًا: ذاكر بذكاء مش بس بكمية
▪️ افهم الدرس الأول، وبعد كده حل عليه أسئلة كتير.
▪️ استخدم خرائط ذهنية أو ملخصات تساعدك تربط المعلومات ببعض.
▪️ ماتعتمدش على الحفظ بس خصوصًا في المواد العلمية.
🔹 رابعًا: قسم المواد حسب طبيعتها
▪️ المواد الأدبية (زي العربي والفلسفة): ركز على الفهم وربط الأفكار.
▪️ المواد العلمية (رياضة، فيزياء، أحياء...): الممارسة الكتير وحل الأسئلة هو المفتاح.
🔹 خامسًا: اهتم براحتك وصحتك النفسية
نام كويس، وكل كويس، وخد وقت لنفسك، لأن الراحة جزء مهم من الإنتاج.
🔹 وأخيرًا
شارك في جروبات مذاكرة مفيدة، تابع مدرسين تثق في شرحهم، ومتقارنش نفسك بحد، امشي على خطتك.
لو حابب جدول أو أدوات تساعدك في التنظيم أو المتابعة، اسأل، وإحنا معاك 💙
كيف اسس نفسي في الانجليزي والعربي وانا مكنتش بذاكرهم في اولي وتانية ؟!
ردحذفارجوا الرد
بص أنصحك تتابع كروسات التأسيس اللى موجودة على اليوتيوب لمدرسين كتير زى العربى محمد صلاح او رضا الفاروق او غيرهم ونفس الكلام فى الانجليزى من وجهة نظرى مستر حسن النجار و fullmark الاتنيني كويسن و او شوف غيرهم لو حابب بس دول هيظبطلوك الدنيا
حذفنجى بقا لاللى المفروض تعمله تحل وتفهم و تذاكر كل جزئية هتاخدها فى كروسات التاسيس بتوع المدرسين دول و اياك و المراكمة ولو حاجة وقفت فى ايدك اسأل فيها بدرى و حل كتيير وبالتوفيق يا صديقى
السلام عليكم انا كنت مقرره علمي علوم بس لما شوفت درجات عيال شاطره كتير مجابتش مجاميع حلوه في علمي علوم وكتير اوي جايب مجاميع حلوه في علمي رياضه فحسيت اني محتاره خايفه مجبش مجموع حلو في علوم وكمان انا مش متأسسه في الرياضه بس كنت بجيب فيها درجات حلوه فكتير نصحني بعلمي رياضه اعمل ايه
ردحذفبصى اولا متقرنيش نفسك نفسك بحد مش معنى انه هو مجاميع الناس اللى دخل علمى علوم وحش يبقى اخاف و كده لا متتحسبش كده
حذفالصح إنك تدخلى الحاجة اللى فعلا متحبيها و مرتاحة معاها و سهل تمشى فيها انا ممكن اقولك خشى رياضة وشوفى مدرس يأسسك فيها بس لو انتى مش متقبلة الرياضة او خايفة منها مش هتعرفى تكملى و هتتشتتى
فسبيها على الله و جددى نيتك و توكلى على الله
ازاي أبدأ مذاكرة وأي الأوقات اللي أذاكر فيها
ردحذف📌 نصايح مهمة جدًا لكل طالب داخل تالتة ثانوي - من مدرسين ودفعات سابقة 👩🏫👨🎓
حذفأهلاً بيك في سنة مصيرية ومهمة، والجميل إنك بتسأل من البداية، وده أول خطوة صح 💙
ودي شوية نصايح من مدرسين ومن زملاء مرّوا بتجربة تالتة ثانوي قبل كده:
🔹 1. ابدأ بدري وبهدوء
ما تستناش الدراسة تبدأ علشان تذاكر. ابدأ من دلوقتي بمراجعة بسيطة للمحتوى القديم، وخصوصًا لو في مواد بتكمل من سنة تانية (زي الرياضة والفيزياء مثلاً).
🔹 2. افهم الأول وبعدين احفظ
ما تقعش في فخ الحفظ العشوائي، افهم المعلومة الأول كويس، وبعدها هتقدر تحفظها بسهولة وتفتكرها في الامتحان.
🔹 3. نظم وقتك على حسب طبيعتك
ده من أكتر الحاجات اللي اتكررت من دفعات قبل كده:
🕓 لو أنت من الناس اللي تركيزها عالي الصبح:
ابدأ مذاكرتك بعد الفجر أو بعد ما تصحى بدري، وقت ذهبي بدون إزعاج.
🌙 لو أنت دماغك تشتغل بالليل:
استغل الليل في الفهم والمراجعة، لكن أوعى تسهر كتير وتتعب جسمك ونفسيتك.
🔹 4. جدول بسيط مبدأي (من دفعة سابقة):
صباحًا: مادة علمية (رياضة / فيزياء)
الظهر: راحة + مراجعة خفيفة
العصر: مادة حفظ (عربي / فلسفة / أحياء)
بعد المغرب: حل تدريبات
بالليل: مراجعة خفيفة أو مشاهدة فيديو شرح
🔹 5. ذاكر ولو ساعة يوميًا في البداية
مش لازم تبدأ بـ10 ساعات مذاكرة، ابدأ بالتدريج، ساعة أو ساعتين يوميًا دلوقتي كفاية جدًا، المهم الاستمرارية.
🔹 6. خليك دايمًا على تواصل مع زمايلك الملتزمين
شاركهم خطة المذاكرة، اسأل واستفيد من اللي سبقوك، ومتخليش المعلومة تفوتك.
🔹 7. أهم حاجة صحتك النفسية
خد راحة، اخرج، اضحك، صلي، العب رياضة، علشان عقلك يفضل شغال ومزاجك متظبط.
احل من كتب المدرسين ولا اجيب كتب او انزلها واحل لوحدي اي احسن عشان متوهش
ردحذفهو اى مدرس انت بتاخد معاه اكيد بتحب ملزمته أو كتابه اى كان و هو بيصححلك أو بيراجعه معاك أما بالنسبة انك تحل كتاب تانى فده يرجعك من ناحية انك عايز تضيف و تتمرن عل اسئلة كمان
حذفوبلاش حماس البدايات وتوهم نفسك انك هتحل ٣ و ٤ كنب ماشى واحدة واحد المهم الدرس اللى المستر بيشرحولك ذاكره و حل واجبه و بعد كده لو حابب تحل على الدرس فى كتاب تانى ماشى حل بس شوف حد يحللك الكتاب سواء مدرسك أو قنوات يوتيوب بتحب الكتب الخارجية
عايزين كتب للازهر للحل وكدا بس سلاح الازهري
ردحذفتمام هنضفهم عند نزولهم
حذففى امتحانات على كل درس ؟
ردحذفاه بيتم تجهيز نظام اسئلة هتخليه على كل درس فى كل مادة انشاء الله و هنحط اكتر من امتحان و اكتر من سؤال فى مفاجات قريبا هنعلن عنها
حذفعايز كتاب الكمياء المسائل تالته ثانوي
ردحذفهنا https://elhmny.blogspot.com/search/label/%D9%83%D8%AA%D8%A8%20%D9%83%D9%8A%D9%85%D9%8A%D8%A7%D8%A1%20%D8%AA%D8%A7%D9%84%D8%AA%D8%A9%20%D8%AB%D8%A7%D9%86%D9%88%D9%89
حذفهتلاقى لما تضغ
على اللينك ده او تكتب فى بحث التطبيق او الموقع كلمة كيمياء او كتب كيمياء هيجبلك جميع كتب الكيمياء اللى على التطبيق اة الموقع حمل اللى انت عايزه و التوفيق
اعمل اي لو مش متاسس في الانجليزي
ردحذفهل الفيديوهات بتاعت التاسيس كفاية ؟!
بص يا صديقى انت محتاج حاجات اساسية تركز عليها اثناء متابعتك لفيديوهات التأسيس
حذفوهى عواميد اللغة زى The Part Of Speach اللى هى أجزاء الكلام ركز عليها و على مصطلحاتها اللى بالنجليزى و افهمها و حل عليها كثير و تانى حاجة تركز عليها علامات الترقيم و اسماءهم بالانجليزى و طريقة استخدامه لان دول ممكن يسألك فيهم سؤال اختيارى أو ممكن سؤال مقالى زى ما كان فى النماذج الاسترشادية بتاعت الوزارة او انت هتحتاجهم فى الترجمة ممكن يجيبلك جملتين زى بعض بس الفرق حبة علامات ترقيم و انت بتتحاسب عليها فى المقال او البراجراف فهى مهمة اهتم بها بردو
وحل كثير و اتدر على حل قطع مفاهيم و اسئلة ترجمة حاول خلال كام اسبوع دول تلم نفسك قبل ما المنهج ينزل
واخر نصيحة متشوفش فيديوهات جرامر الا لما تخلص دول كده كده الجرامر و الازمنة بيتعادوا تانى
😉 وبالتوفيق يا صديقى
https://ibb.co/bRjP1ktY
ردحذفسؤال فيزياء بفرض أنه يمر شعاع من الإلكترونات بمعدل ثابت في خط مستقيم لمده شهر وكانت كتله الإلكترون هو ٠.١ جرام فإن شده التيار المار به
ردحذفانا فاقد الشغف وعندي كميه يأس وإحباط ومش قادر اعمل حاجه طول الوقت عايز اني افضل قاعد كده من غير م اعمل حاجه ولا اذاكر بعد م كنت بدأت السنه بمذاكرة وانتظام وعدم مراكمه دلوقتي بقيت مراكم في كل المواد وحاسس اني تايه ممكن تنصحوني اعمل ايه
ردحذفانا فيه حاجه عندي ملغبطاني ومش عارفه هل اللي انا بعمله ده صح ولا غلط
ردحذفالتودو ليست اللي المفروض بعملها لليوم هو الصح اني اكتب كل حاجه أنا عايزة اعملها في كل المواد واللي ساعات بتوصل لحد 10 11 حاجه وبصراحه كده مع نزول الدروس مش بخلصها في نفس اليوم
ولا الصح اني كل يوم امسك ماده أو مادتين واقول هما دول بس اللي هفتحهم ومش هفتح غيرهم
فا أنا بصراحة مش عارفه وحاسه أن أنا تايهه
https://ibb.co/60W6gBf2
ردحذف